Hoekom gee gelowiges geld vir die kerk?
Gelowiges oor die hele wêreld glo dat alles wat hulle het deur God aan hulle toevertrou is. Hy is die eienaar van alles, en hulle is die rentmeesters, of bestuurders van dit wat hulle het. So is elkeen van ons bloot net bestuurders van ons gawes, ons tyd en ons geld. Dit behoort nie verewig aan ons nie - dit word vir ons gegee om iets groters daardeur in ons reg te kry: Gaan jy dit gebruik om jou eie koninkryk te bou, of gaan jy dit indiens van God se koninkryk gebruik - dit is die vraag wat alles wat ons het eintlik vir ons vra?
2 Kor 8:9 Julle ken die genade van ons Here Jesus Christus: hoewel Hy ryk was, het Hy ter wille van julle arm geword, sodat julle deur sy armoede ryk kon word.
Die werklike rykdom wat gelowiges het word dus nie weerspieël deur ons bankbalans of ons besittings nie. Ware rykdom is om te weet dat God jou so lief het, dat Hy alles gegee het om jou met Homself te versoen. Sulke rykdom is veilig, niks kan dit wegvat of corrupt nie. En gelowiges kry dit net omdat God ons so lief gehad het dat Hy ter wille van ons arm geword het...
Wat beteken dit?
1. As jy 'n ongelowige is - moenie gee nie. Kom kry eers die rykdom wat daar in Jesus Christus is.
2. As jy 'n gelowige is - gee asof alles wat jy nou besit ontsettend klein is in vergelyking met wat jy in Jesus Christus het. Gee met die passie om ander dit ook te laat besef.
3. Verwag om elke keer wat jy gee vryer te word van die mure wat 'n bankbalans om jou bou en om die wêreld meer en meer te sien soos dit werklik is.
Hoe gee ek?
Internet: Jy kan 'n gawe gee deur 'n internet oorplasing of standing order op te stel. Elke bank se internet bankdienste werk anders, maar hier is die info wat jy nodig het om dit te doen:
Bank of Scotland
Account Name: Free Church of Scotland - London Congregation
Sort Code: 12-01-03
Account Number: 06056264
Koevert: Tydens ons dienste op Sondae is daar 'n geleentheid om kontant of tjeks te gee. As jy jou kontant of tjek in 'n ingevulde Gift-Aid koevert sit gee die regering ons nog 28% ekstra.
Per pos: Anders kan jy jou bank vra om 'n maandelikse aftrekorder op te stel deur die Standing Order Mandate uit te druk, te teken en vir jou bank stuur.
Gift Aid Declaration: As jy al in die kerk 'n koevert ingevul en geteken het, het jy nie nodig om die vorm in te vul nie.
Die Gift Aid Declaration is 'n vorm wat jy vir die kerk gee of pos wat ons weer vir Inland Revenue stuur. Aangesien ons geregistreer is as 'n liefdadigheids organisasie (CR18841 en SCO12925) kan ons baat vind by die Gift Aid Scheme. Sodoende kan Inland Revenue 28 pennies vir elke pond donasie bydra tot die Canada Water Kerk Fonds en jou donasie aansienlik vermeerder. Dit beteken dus dat ons £12.80 ontvang vir elke £10 wat jy so skenk.
Dankie vir jou bydrae en bid saam met ons dat hierdie geld aangewend sal word tot uitbou van die Koninkryk van God. |
