Kom aanbid God
God roep elkeen van ons om ons liefde vir Hom te bewys (Luk 7:47) deur Hom te aanbid. Gaan lees gerus die aangrypende gedeelte in Lukas 7:36-50 waar ons sien hoe die soort aanbidding lyk wat Jesus verwag. Om dit te doen kom ons Sondae 18:30 by die Rotherhithe Free Church bymekaar waar ons 'n erediens hou.

F.A.Q.

Hoe lank is die diens?
Die diens duur net minder as 'n uur. Daarna kuier ons so lank ons wil in die teekamer.

Wat trek ek aan?
Wat jy wil.

Is daar parkering?
Ja, die kerk het 'n parkeerarea met oorgenoeg vir almal se karre.

Kan kinders ook kom?
Kinders is meer as welkom. Ons het 'n moederskamer waar jy self saam met jou kind kan sit en deelneem aan die diens. Ons het ook elke Sondag iemand wat ouers uithelp deur die kinders in die moederskamer op te pas.

Sê nou ek is laat?
Kom net in. Die ingang is aan die agterkant van die kerkgebou en jy sal niemand pla nie.

Hoe gaan die uur verloop?
Die diens begin 18:30 en daar sal mense by die deur wees wat jou groet en 'n diensblaaidjie gee. Hulle is ook die mense wat jy kan vra as jy iets wil weet, van waar die badkamer is tot hoe om 'n lidmaat te word. Moet nie bekommer as jy laat is nie, kom net in en geniet saam met ons die diens.

Na die diens kuier ons saam in die kerksaal waar ons koffie, tee of koeldrank drink. Daar is ook gewoonlik iets om aan te kou - selfs melktert van tyd tot tyd! Eers as almal moeg gekuier is begin ons oppak, ligte afsit en toesluit.